Ne ofrojmë perspektivë evropiane për qytetarët, për rininë. I ndihmojmë bizneset dhe krijojmë ambient për realizimin e të rinjve këtu në vend. E zhvillojmë ekonominë dhe ua kthejmë paratë qytetarëve, tha bartësja e listës zgjedhore në NjZ2 Sanja Llukarevska në tribunën në Gjorçe Petrov.

– E ulim TVSH-në në hotelieri në 10%, tek zejtarët nga 18% në 5%, 0 taksë personale për industrinë e IT deri në vitin 2023. Ofrojmë paga dhe pensione më të larta, ofrojmë shans për të rinjtë të qëndrojnë në shtëpi. Në ish-“Fshatin Maqedonas” formojmë “Start-up fshatin”, mundësi që të rinjtë të realizojnë idetë e tyre të biznesit, kthimin e taksës personale për të gjithë punonjësit e rinj deri në 29 vjet në dy vitet e para të funksionimit, e vazhdojmë masën 3,000 denarë shtesë mujore për të rinjtë në prodhim, për të rinjtë e punësuar deri në 23 vjeç të cilët posedojnë të paktën arsim të mesëm, do të sjellim ligj për garancinë e të rinjve me çka do të institucionalizojë këtë formë të përkrahjes së të rinjve për punësimin, do të krijojmë një fond bursash për të rinjtë për nevojat e zanatit, tha Llukarevska.

– Do të luftojmë me të gjitha mbetjet e regjimit. Lidhja socialdemokrate ndërton ura me fqinjët e saj, tani ata janë miqtë tanë. Jemi duke filluar negociatat me Bashkimin Evropian, që do të thotë mbështetje e vërtetë financiare me para evropiane. Në këtë vend, ndërtojmë një shoqëri për të gjithë, sepse dallimet janë bashkësi. Ndërtojmë një shoqëri të drejtë ku inspektori i paanshëm është një inspektor profesional, ku gjyqtari i paanshëm është një gjykatës i mirë. Më 15 korrik, ne kërkojmë mbështetjen tuaj sepse mundemi edhe më shumë edhe më mirë, tha Llukarevska.