Соопштение за јавност

Медиумските курири не знаат веќе како да го одбранат криминалот на Никола Груевски.

Во голема паника од враќање на правдата и соочување со одговорноста предвидлива е безобразната агресија кон лидерот на демократска Македонија, Зоран Заев.

Со срамни и безобразни нарачки по медиумските курири и напади на неговото семејство Никола Груевски покажа колку е очаен и фрустриран од претседателот Зоран Заев.

Семејството и семејните вредности се светост за секој во Македонија освен за режимот и неговите медиумски мегафони.

Неправдата што се нанесува врз поблиското семејството на претседателот Заев само затоа што чесно и посветено работи и создава во Република Македонија е неправда која што ја почувствуваа многу граѓани во земјава.

Граѓаните знаат дека вистинските криминалци се во врвот на власта, на чело со Никола Груевски и прават се’ да ја спасат сопствената кожа.

Расипништво со парите на граѓаните, луксуз, криминални зделки, милионски провизии, парцели на Водно, мерцедеси од 600 илјади евра, очила од 60 илјади долари, луксузно партиско седиште, огромни луксузни слики-копии од други големи диктатори, се карактеристики токму на Никола Груевски и ВМРО-ДПМНЕ.

Затоа Македонија е на нозе, за враќање на правдата, слободата и демократијата.

Демократска Македонија предводена од Зоран Заев им порачува на криминалците во врвот на власта: ништо нема да ви помогне, ниту лаги по медиумските курири, ниту гатачки, ниту бајачки.

Правдата ќе ве стигне. Одговорност ќе има!

Скопје, 04.06.2016

ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА