Соопштение за јавност

Денеска, носителот на столбот Партнерства за демократска Македонија, Стево Пендаровски, заедно со членовите на Извршниот одбор на СДСМ, Пеце Мирчевски и Ѓоко Танасоски, беа помеѓу граѓаните на Охрид.

Лошата економска ситуација во државата силно се чусвтвува и во Охрид. Изминатите години на економско назадување и стагнација го направија Охрид празен град. Навечер нема никој ниту во чаршијата ниту по улиците. Младите масовно се иселуваат од македонскиот бисер. Криминалот и корупцијата на ВМРО-ДПМНЕ целосно го запустеа Охрид.

Граѓаните мака мачат и со проблемите во здравството, образованието, социјалата. Граѓаните од околните населени места се жалат дека за еден антибиотик се принудени да патуваат по неколку километри до Охрид само за еден антибиотик.

-Тоа ли се реформите во здравството да нема антибиотици? Тоа знаеме ние што е, тоа е голем криминал, рече еден од граѓаните.

Здравствениот систем во Македонија е целосно срушен, нема основни услови за лечење на граѓаните. 630 милиони евра се потрошија за споменици а за 10 нови клинички болници во поголемите градови во Македонија се доволни 300 милиони евра. Не се мисли на граѓаните. Ако не земат кредит, овие во заминување не можат да го поминат денот. Криминалците што го донесоа народот до ова дереџе мора да одговараат, истакна Пендаровски на средбите со охриѓани.

Во чаршијата во Охрид Пендаровски се сретна и со граѓаните од турска националност.

Кохезијата на македонското општество е на најниско ниво. Не разнебитија и скараа оние кои се обединети во криминалот и корупцијата. Затоа имаме обврска да се обединиме во општонароден фронт против најголемиот непријател на иднината на Македонија, Никола Груевски и неговата банда, рече Пендаровски.