Соопштение за јавност

Транспарентноста, непристрасноста и објективноста се клучни професионални и етички новинарски стандарди.

Јавноста граѓаните знаат за приходите од 1.3 милиони евра за фирмата ЕМ МЕДИА ДОО Скопје, сопственик на “Курир”.

Сериозен сомнеж отвара поврзаноста на фирмата ЕМ МЕДИА ДОО Скопје, фирмата сопственик на „Курир“, со братучедот на Груевски, Сашо Мијалков, преку фирмата НВСП.

Сопственик на НВСП е Владислав Стајковиќ. Оваа фирма е сопственик на радиото Слободна Македонија, а сопственик е и на К-Трителевизија ДООЕЛ Куманово.

Граѓаните дознаа дека истата оваа фирма, НВСП е основач на агенцијата за обезбедување СГС, зад којашто лично стои братучедот на премиерот во заминување, Сашо Мијалков.

Владислав Стајковиќ освен до Мијалков е близок и до Жарко Луковски, главен и извршен директор на Т-мобиле Македонија и воедно кумашин на братучедот на Груевски, Сашо Мијалков.

Вистината за Македонија откри дека НВСП, фирмата на Стајковиќ е дел од провизијата од 540 илјади евра што Мијалков, поранешниот директор на УБК ја бара за набавување на опрема за прислушување од Израел.

Како „Курир“ стекнал приход од 1,3 милиони евра?

Што крие „Курир“? Зошто молчи веќе единаесетти ден?

Наместо молк и креирање виртуелни вести коишто немаат апсолутно никаква поврзаност со реалноста и точното информирање, јавноста очекува одговори на прашањата кој и на каков начин го финансира “Курир”?

24.12.2015

ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА