Соопштение за јавност
Пропагандниот систем на Вучиќ во Србија, Христијан Мицкоски го спроведе и во Македонија.
Наместо Народната банка уште во петок да упати контрола во Алта банка АД Битола, ВМРО-ОКГ го пушта Латас да пишува бајки за „пропаднати банки“ и „стабилен систем“.
Кога компаниите и граѓаните ќе останат без своите пари, кога парите на граѓаните од буџетот, од јавните претпријатија и од општините ќе завршат во стечајната маса на Алта банка, тогаш Латас и Мицкоски повторно ќе објаснат дека е крив Киро Глигоров и цар Самуил, секако и СДСМ.
Знаеме зошто не смеете во контрола. Не смеете да објасните што префрлал Вучиќ.
Орбан вчера го посети Белград и својот другар Вучиќ да понесе пари од истата банка со себе.
Само вие чекајте и пролонгирајте, како со водата во Гостивар. Поради нивното прикривање на одговорноста, 5.000 луѓе завршија во болница поради труење.
Народот ќе ви суди. И сигурни бидете дека ќе ви суди независно судство и европско обвинителство.
Ќе одговарате, знаете и сами. Секој ден е за вас бонус. Веќе досега имате стотици години затвор за сите дела што сте ги сториле.
Подобро спасете ги парите на граѓаните, отколку и за тоа да одговарате.
Алта банка во Србија е без дозвола за работа. Во стечај. Сопственикот е вратен од границата. Обвинителството во Србија отвора предмет.
Во Македонија Славески вчера вели дека е нормално да се префрлаат енормни количини пари додека граѓаните во Битола чекаат во ред и во неизвесност.
Народната банка соопшти дека „следи“. Не соопшти контрола. Не соопшти суспензија на гласачките права на сопственикот. Не соопшти заштита на депозитите на државата и на јавните претпријатија.
Бараме од Народната банка уште денес контрола и суспензија на гласачките права.
Бараме од обвинителството уште денес кривична постапка против Мицкоски, против гувернерот Славески и против сите што учествуваа во процесите околу Алта банка.
Пандорината кутија е отворена. Домино ефектот продолжува. Падна Орбан. Паѓа Вучиќ. Сега е ред на Мицкоски и на ВМРО-ОКГ.
Власта ќе се врати во рацете на народот.
