Соопштение за јавност

Со постигнатиот договор платите во образованието ќе се зголемат за 15 отсто што е рекордно зголемување на платите во овој сектор.

Претходно, во три наврати СДСМ ги зголеми платите за вкупно 21 отсто, со што кумулативно, за само пет години платите во образованието ќе пораснат за 36 отсто.

Ваквото рекордно покачување и постигнатиот договор со СОНК, го збуни Христијан Мицкоски, па тој денеска вели дека сето ова било минимално покачување.

Ова е лицемерна изјава на Мицкоски, особено ако се знае дека за време на владеењето на ВМРО-ДПМНЕ платите во образованието се заголемија за едвај четири отсто.

Покачувањето на платите беше договорено со Синдикатот низ социјален дијалог и срамно е тврдењето Мицкоски дека Владата или која било друга институција ги понижувала и навредувала наставниците и професорите.

Понижување и навреда за нивната благородна професија е односот на режимот на ВМРО-ДПМНЕ, кој 11 години ги уценуваше и малтретираше наставниците, го потценуваше нивниот труд.

Понижување и навреда се блокадите на ВМРО-ДПМНЕ на законското решение кое обезбедува трајно врбаотување за 4.700 наставници и стручни соработници во основните и средните училишта.

За разлика од ВМРО-ДПМНЕ која се служеше со притисоци и закани кон наставниците, СДСМ низ дијалог обезбедува повисоки плати и подобри услови за работа на наставниот кадар.

Мицкоски и ВМРО-ДПМНЕ освен да блокираат и шират лажни вести, ништо друго не знаат.