Прес-конференција, Ненад Коциќ, пратеник на СДСМ

Почитувани граѓани, почитувани новинари,

Владата предводена од СДСМ во време на светска енергетска и економска криза презема мерки за заштита на економскиот стандард на граѓаните.

Донесена е Одлука со која се определува највисока трговска маржа во висина од најмногу до 10 отсто во трговијата со огревно дрво од даб, огревно дрво од бука и пелети за огрев.

Оваа одлука важи за сите трговски друштва и трговци-поединци кои учествуваат во трговијата на мало во продажбата на огревно дрво и пелети за огрев, со цел да се заштитат потрошувачите од неконтролирано покачување на цените на стоките за огрев.

Ова е особено важно затоа што домаќинствата се наоѓаат во период на подготвка за грејната сезона и побарувачката за орегвно дрво и пелети е драстично зголемена.

Одлуката ќе се применува до 31 декември 2022 година, а нејзиното почитување ќе се контролира од надлежните институции.

На сила до крајот на септември се уште важат ограничувањата на маржите на основните прехранбени продукти.

Сто ова, почитувани е во насока на заштита на стандардот на семејствата од последиците што со себе ги носи глобалната економска криза.

Како одговорна партија продолжуваме со реализација на мерки и политики што го штитат стандардот на граѓаните и обезбедуваат стабилна и ликвидна економија.