Изјава за медиуми, Љупчо Недески, советник во Советот на општина Аеродром

Почитувани,

Откако вчера градоначалникот на Аеродром Тимчо Муцунски призна дека Деталниот урбанистички план за населба Лисиче е за изградба на згради, сега на ред е Државната комисија за спречување на корупција да постапи по овој случај.

Муцунски и ВМРО-ДПМНЕ ги имаат сите механизми да го стопираат носењето на овој ДУП, но тие го прават сосем спротивното.

Случајот парцели во Лисиче покажа неколку работи, кога станува збор за ВМРО-ДПМНЕ граѓаните може да очекуваат само разочарување.

Прво, покажа дека Муцунски е ист како Данела Арсовска. Пред изборите ветуваше едно- зеленило, стоп на бетонизација, паркови, бришење маркици. Денес како градоначалник прави сосема друго, бетонизацијата, парцели за згради, уништување на зеленило.

И Муцунски исто како Арсовска за една и пол година не реализираше ниту еден свој проект. Како Арсовска што ги разочара скопјани, Муцунски ги разочара граѓаните на општина Аеродром.

И Муцунски исто како Арсовска, троши стотици илјади евра за вработување на партиски кадри, додека со пет милиони евра сака да ја задолжи општина Аеродром, една од најбогатите општини во државата.

Една и пол година неработење и уназадување на општината, тоа е учинокот на ВМРО-ДПМНЕ во Аеродром.

Останаа само рацете во медот.

Секогаш кога ВМРО-ДПМНЕ ќе добие власт ова е резултатот.