Социјалдемократската младина на Македонија (СДММ), во соработка со Прогрес Институт за социјална демократија и со поддршка од Фондацијата Макс Ван Дер Штул од Холандија и оваа година традиционално, по шестнаесетти пат организира Летен камп за млади социјалдемократи, кој ќе се одржи во периодот од 6-ми до 9-ти Јули 2023 година, во Охрид.
Летен Камп “Трајче Нешковски”
под мотото: “Поглавје ЕУ: Социјалдемократија”.
Оваа година на кампот ќе учествуваат повеќе од 90 млади луѓе од цела држава. Очекувајте инспиративни говорници и тренери, интерактивни сесии и дискусии, спортски турнири, многу дружење и сериозна забава.
Заради големиот интерес, СДММ при изборот на кандидати ќе внимава на родовата застапеност и застапеноста на учесници од различни региони од државата.
Сите заинтересирани за пријавување на летниот камп потребно е:
– да бидат членови на СДСМ односно СДММ, на возраст од 18 до 29 години;
– да биле дел од клучните проекти на СДСМ и СДММ во изминатиот период;
– ДА НЕ УЧЕСТВУВАЛЕ НА ПРЕТХОДНИ ЛЕТНИ КАМПОВИ организирани од СДММ и Прогрес Институт за социјална демократија;
– да испратат CV и партиска биографија.
Овие податоци заинтересираните учесници потребно е да ги испратат на следниот е-mail:
sdmm@sdsm.org.mk, најдоцна до 23-ти Јуни (петок) 2023 година.
