Изјава за медиуми, Љубица Јанчева, координаторка на советничка група на СДСМ и коалицијата во Советот на Град Скопје

Почитувани,

Граѓаните кои во огромен број го користат јавниот превоз, денеска повторно мака мачат да стигнат на работа, на училиште, на факултет, на пазар…

ДПМНЕ е виновникот за хаосот што се случува во ЈСП и во јавниот превоз.

Локалната власт на ДПМНЕ во Град Скопје за две години буквално го уништи јавниот градски превоз.

Членовите на Управниот одбор на ЈСП се од ДПМНЕ, додека нивното претпријатие се дави во долгови, не може да подели плата, не може да функционира не преземаат ништо.

Советниците од ДПМНЕ го имаат мнозинство во Советот.

Да не го кочеа проектот за БРТ, немаше денес граѓаните на Скопје да се соочуваат со проблеми како да стигнат на работа, како учениците на почетокот на второто полугодие да стасаат на настава.

Наместо да имаат модерен превоз со БРТ, проект поддржан од ЕБОР, за кој има обезбедено средства од 70 милиони евра, скопјани страдаат од неспособноста и инаетот на ДПМНЕ.

Скопјани знаат дека советниците од ДПМНЕ се противea и на одлуките за субвенционирање на ЈСП и намерно, заради лични хирови на Мицкоски дополнително го заглавија претпријатието.

Хаосот што се случува во ЈСП и во Скопје е пример за тоа што се случува кога ДПМНЕ ќе добие власт.

Советничката група на СДСМ иако е опозиција ќе го поддржи барањето за доделување субвенции на ЈСП, да може вработените да добијат плати и автобусите да продолжат да сообраќаат.

ДПМНЕ треба да преземе одговорност, своите политички и лични хирови да не ги префрла врз скопјани.

Сеопфатно решение за јавниот превоз во Скопје има, тоа е БТР и што поскоро овој проект треба да се релизира.