Соопштение за јавност

-Верувајте, ќе победиме и во Гази Баба, и во Скопје, и во цела Македонија. Затоа што сме заедно, затоа што сме единствени. И овој режим што ги малтретира со години граѓаните на општина Гази Баба ќе падне, рече претседателот на СДСМ, Зоран Заев, на синоќешниот митинг во општината, што се одржа на плоштадот во Маџари.

-Гази Баба е една од најслабо комунално и инфраструктурно организираните општини. Недозволиво е да нема питка вода, да шлапаме во кал, во 21 век. До кога да чекаме? Го имаме нашето најсилно оружје, во слободата тоа е нашиот глас. Почитувани граѓани Македноци, Албанци, Турци, Роми, Срби, Бошњаци, Власи, да ги заокружиме промените, не е цело Скопје без Гази Баба, само така, заедно Скопје ќе биде убаво и ќе оди напред, заокружете го бројот 19 на локалните избори, повика претседателот на СДСМ, Зоран Заев.

На митингот во Гази Баба зборуваа и кандидатот за градоначалник на општината Борче Георгиевски и кандидатот за градоначалник на Скопје, Петре Шилегов, предложени од СДСМ и коалициските партнери.

-Нашето здравје, здравјето на нашите деца, потребата за чиста вода и чист воздух се наша света обврска и должност. Се обврзувам до 2018 година да ја започнам гасификацијата и тоа токму од ваквите населени места, каде што со тоа, ќе го намалиме загадувањето но ќе обезбедиме и поефтин енергенс за домаќинствата, најави кандидатот за градоначалник на Скопје, Шилегов.

Кандидатот за градоначалник на општината, Георгиевски најави изградба на училиште, градинки, пешачки мост, асфалтирање на улиците, канализација, се што ги прави населените места во општина Гази Баба отсечени од градот без минимум цивилизациски услови за живот.

-Ја знам секоја педа на општината, имам решенија за проблемите, Гази Баба ќе биде модерна современа општина, со гордост ќе кажуваме “јас живеам во Гази Баба“, поддржете ги промените и во општина Гази Баба, повика Борче Георгиевски на синоќешниот митинг во оваа општина.