Соопштение за јавност

Филипче од Струмица: Подготвуваме предлог закон за регулирање на породилното отсуство на жената земјоделка

Претседателот на Социјалдемократскиот сојуз на Македонија, Венко Филипче на денешниот Осмомартовски марш во Струмица денеска по повод Меѓународниот ден на жената-8 Март, најави дека СДСМ подготвува предлог закон за регулирање на породилното отсуство на жената земјоделка.

„Би сакал да најавам дека веќе работиме на предлог закон со кој дефинитвно веќе ќе се регулира породилното отсуство на жената земјоделка.Во нашиот мандат го решивме правото на користење надоместок за мајчинство за жените земјоделки, го донесовме Законот за прекинување на бременоста, ставајќи ја волјата на жената на прво место и враќајќи ја контролата врз сопственото тело на жените. Со Законот за минимална плата, во 2017 година, за првпат се обезбеди изедначување на минималната плата за работниците во повеќе индустри како текстилната, кожарската и чевларската индустрија каде најголем процент од вработените се токму жени. Се со цел економско јакнење на жената“, рече Филипче.

Во своето обраќање, Филипче посочи дека СДСМ ќе продолжи да се бори за подобрување на животниот стандрад и за општество во кое жените ќе се јакнат на сите позиции, без да наидуваат на затворени врати.