Соопштение за јавност

Филипче: СДСМ е конструктивна од првиот ден, Владата одбива сè што е во интерес на граѓаните

Претседателот на СДСМ, Венко Филипче, во интервју за Сител истакна дека партијата постојано нуди конкретни, издржани и конструктивни предлози во интерес на граѓаните и државата, но дека владата систематски ги одбива без аргументи.

„Ние сме најмногу конструктивни. Прашање е – што прифаќа Владата? Треба да работиш за доброто на граѓаните и на целата држава, за да конструктивните предлози после се усвојат,“ посочи Филипче.

Како примери за блокирање на политики кои би имале реален ефект врз животниот стандард на луѓето, тој ги наведе следниве:

„Имаме предлог за зголемување на минималната плата на 500 евра. Владејачкото мнозинство го одби. Имавме предлог за намалување на ДДВ-то на основните прехранбени производи, како и на струјата и парното за одреден временски период.“ – рече Филипче.

Дополнително, СДСМ понуди и институционално соработка:

„Бев кај премиерот, понудив заедничка работа – работни групи за реформската агенда. Владата не само што ги одбива предлозите, туку со својата неефикасност нанесува директна штета на државата. Поради лошиот перформанс на министерот од ЗНАМ, се губеа пари. Нема реформски закони кои ги донесовме во правосудството. Од реформската агенда 8 или 9 закони, нема ниту еден поднесен.“ – рече Филипче

Како последица на тоа, Македонија веќе ги изгубила првите 80 милиони евра од европските фондови:

„80 милиони евра веќе се изгубени затоа што сме ги испуштиле роковите. Не ги прифатија нашите сугестии. Законите не се усогласени со препораките на оценската мисија, тука има повторна партиска интервенција.“ – заклучи Филипче.