Градиме нова македонска развојна економија, со повисоки плати и пензии и поголема грижа за сите

Share on facebook
Facebook
Share on twitter
Twitter
Share on linkedin
LinkedIn

Изјава за медиуми, Јагода Шахпаска носителка во ИЕ 3

Почитувани,

Навистина е големо задоволство кога ќе видите дека мерките и политиките на кои сте работеле, вложувајќи многу труд, енергија и внимание, вродиле со плод.

За неполни три години направивме голем пресврт во државата на подобро. Покажавме што значи да се работи чесно, одговорно и во интерес на граѓаните.

Баравме и најдовме решенија за сите граѓани, никој не беше изоставен, ниту заборавен.

Но, ние знаеме дека МОЖЕМЕ УШТЕ ПОВЕЌЕ, МОЖЕМЕ УШТЕ ПОДОБРО.

Имаме понуда кој носи нова македонска развојна економија, која ги штити работничките права, носи повисоки плати и нови работни места.

Трендот на раст на платите продолжува.

До крајот на мандатот минималната плата ќе достигне 20.000 денари. Тоа е плата повисока за дури 120% од оние 9.000 денари на ДПМНЕ во 2016 година.

Истовремено, просечната плата ќе достигне 34.000 денари.

Продолжува и повратот на пари кај граѓаните, уште повеќе. Месечниот поврат на ДДВ го зголемуваме на 800 денари месечно!

До крајот на мандатот нашата економија е проектирана да достигне солиден и одржлив раст од 4%.

А стабилната и развојна економија ќе обезбеди пензиите да растат заедно со платите,во континуитет. Најниските пензии ќе ги покачиме за најмалку 21%.

Почитувани,

Од една страна е СДСМ, која го реализира концептот парите назад кај граѓаните, а од другата ВМРО-ДПМНЕ,партијата која нуди единствено обнова на режимот .

Граѓаните нема да заборават дека ВМРО-ДПМНЕ беше против зголемена минимална плата, против покачување на пензиите, против проектот Мој ДДВ со кој за првпат државата враќа пари на сметките на граѓаните.

Токму затоа, на 15 јули граѓаните ќе одберат парите да завршуваат во нивниот буџет, а не во белиот дворец. Нема да дозволат обнова на режимот кој ги крадеше парите.

Ќе одберат да продолжи растот на платите и пензиите, подобар животен стандард за сите.

Затоа што сите заедно МОЖЕМЕ и подобро и повеќе!