Концептот што го промовиравеме и за кој се залагавме “Едно општество за сите” е реален. Вечерва пред вас гледате Македонка, Албанец, Турчин обединети во визијата да изградиме модерна, современа,економски просперитетна држава за сите нас.

Изминативе две ипол години направивме многу за економскиот развој и покрај тоа што истовремено носевме сериозни стратешки одлуки и решававме деценски проблеми.

Дури и сега во услови на пандемија предизвикана од коронавирусот покажавме како со правилно менаџирање државата може да истрае и на економски и на здравствен план.

Се обврзуваме да ја задржиме минималната плата во висина од 14.500 денари а по завршувањето на кризата, СДСМ ќе обезбеди раст на минимална плата на 20.000 денари а просечната плата до крајот на мандатот ќе порасне до 34.000 денари.

Веднаш и навремено донесовме сет економски мерки со кој ги помогнавме најпогодените сектори. Обезбедивме платежни картички за граѓаните со пониски примања, за младите и секако за здравствените работници поради нивните натчовечки напори на првата борбена линија со Ковид 19.

Размислете – кој крева плати, а кој се богати на сметка на сиромашните

Изборот е меѓу повисоки плати за сите или богатење на неколкумина од белиот дворец, истакана Николоска пред Теарчани.