Заврши реконструкцијата на булеварот 8 септември, СДСМ континуирано вложува во инфраструктурата

Share on facebook
Facebook
Share on twitter
Twitter
Share on linkedin
LinkedIn

Изјава за медиуми, Бојан Ивановски, советник во Советот на Град Скопје

Почитувани граѓани и граѓанки, почитувани медиуми,

Единиците на локалната самоуправа на Град Скопје и Општина Карпош, предводени од СДСМ во континуитет инвестираат во унапредување на сообраќајната инфраструктура во нашата општина.

Заврши реконструкција на булеварот 8 септември на потегот од булевар Илинден до улицата Скупи, извршена е комплетна реконструкција на коловозот, реконструкција на тротоарите, замена на оштетените рабници, нивелација на постоечките шахти и сливници, во двата правци во должина од 980 метри, a постојниот дрворед ќе биде заменет со 100 нови садници.

Овој булевар е еден од најискористените во Општина Карпош бидејќи преку мостот на Вардар ги поврзува населбите Карпош 2 и 3 со Злокуќани, Бардовци, Визбегово и околните населби.

Пред 2 години на овој булевар изградивме велосипедска патека од улицата Варшавска до надвозникот кај хотел Александар Палас.

Почитувани,

Град Скопје предводен од градоначалникот Петре Шилегов постојано вложува во подобрување на инфраструктурата, само за оваа година беа реконструирани или се во изградба вкупно 21 сообраќајница.

Истовремено, упатуваме и јавна благодарност на граѓаните кои покажаа висок степен на разбирање и трпение кое беше неопходно за реализацијата на реконструирање на голем број улици во градот.

Продолжуваме понатаму уште подобро и уште повеќе.