Прес-конференција, Богданка Кузеска, портпаролка на СДСМ

Почитувани,

И по шест порази, Христијан Мицкоски никако да ја научи лекцијата.

Лидерот на ВМРО ДПМНЕ во континуитет од 2017 години губи на сите избори и упорно продолжува со деструктивните политики кои се на штета на граѓаните.

Мицкоски како носител на листата на Град Скопје на локалните избори во 2017 година беше поразен.

Беше поразен и една година подоцна на референдумот во 2018 кога граѓаните одлучија да го поддржат Договорот со Грција и кажаа ДА за членство во НАТО и ЕУ.

Неговата кандидатка загуби на претседателските избори во 2019 а истата година Мицкоски беше поразен и на предвремените локалните избори во Охрид и Ново Село.

Пред само 5 месеци Мицкоски и ВМРО-ДПМНЕ беа поразени на предвремените парламентарни избори, а пред само два дена поразени беа нивните блокади и опструкции во Штип.

Поразите на Мицкоски продолжија и во Собранието на Република Северна Македонија кога се гласаа уставните измени, како и кога се гласаше и за Законот на Јавното обвинителство.

Мицкоски никако да извлече поука и упорно, одново и одново продолжува со опасните политики – не застанува на страната на граѓаните, на страната на државата и прави сè европскиот пат да не успее и тоа само заради една единствена цел – да ја зачува фотелјата во белата палата.

Со погубните политики на Мицкоски, тој и ВМРО ДПМНЕ уште долго ќе останат во опозиција.

Граѓаните бираат стабилна иднина, довербата им ја даваат на одговорни политичари кои носат храбри одлуки и јасно кажуваат НЕ за лаги, манипулации, деструкции, опасност и нестабилност.

Мицкоски е сам и изолиран во сопствените лаги, во сопствените деструкции.