Прес конференција, Тамара Гавровска – член на ИО на СДСМ Тетово

 

 

Почитувани граѓани,

Од 22 до 27 септември 2019 год. одбележавме недела на “Правата на жената и родова еднаквост”.

 

Социјалдемократскиот сојуз преку своите политики, активно делува во унапредувањето на родовата еднаквост.

 

Концептот на еднакви можности, означува дека жените и мажите треба да имаат еднакви права на човечки,с оцијален, економски и културен развој, како и право на глас во општествениот и политичкиот живот.

 

Родовата еднаквост во Република Северна Македонија претставува законска обврска и е дел од програмата на Владата.

 

Како позначајни постигнати резултати кои ги спроведе Владата предводена од Социјалдемократскиот сојуз се:

– Ратификацијата на конвенцијата за спречување и борба против насилство врз жените и домашно насилство, односно Истамбулската конвенција.

-Воведување на концепт  на родово-одговорно буџетирање

– Подобрување на состојбата со родова еднаквост во поединечни области и намалување на дискриминацијата по пол.

-Започнување на процесот за грижа за деца и пренесување на товарот од жените кон општеството преку зголемување на капацитетите, и обезбедување на различни форми на згрижување на деца.

– Донесување на новиот закон за прекин на бременост, со кој волјата на жената е на прво место, кој во времето на претходната Власт всушност беше рестриктивен.

 

Како наши приоритети за кои се залагаме се и:

-Воведување на мерки за балансирање на работата и семејството,

-Зголемување на стапката на учество на жените на пазарот на труд.

-Воведување на специјални мерки за економско јакнење на жените.

 

Стоп за дискриминација на жените!

 

Градиме едно општество, еднакво и праведно за сите!