Прес конференција, ОО СДСМ Велес

Почитувани,

Продолжуваме да ги слушаме потребите на  земјоделците за тоа каков амбиент треба да создаде Владата со цел тие да имаат рентабилно и конкурентно производство. Го исполнуваме предизборното ветување кон нив.

Од 1ви август годинава, започна реализацијата на владината мерка “зелена нафта”. Мерката предвидува 30% пониска цена за евродизел за земјоделската механизација. Со мерката ќе бидат опфатени повеќе од 55.000 земјоделци на државно ниво, од кои 1.672 од Велес и поширокиот регион.

На овој начин кај земјоделците се враќаат околу 200 милиони денари или над 3 милони евра, средства што Министерството за земјоделство шумарство и водостопанство ги обезбеди преку Програмата за директни плаќања за 2019 година.

Со „зелената нафта” ќе се намалат трошоците на земјоделците и ќе се зголеми конкуретноста на земјоделското производство, а тоа ќе донесе и поголеми приходи за земјоделците.

Владата предводена од СДСМ продолжува со вистинска грижа за земјоделците и останува посветена на мерките што обезбедуваат повеќе пари и повисок стандард за земјоделците, зголемено и  поквалитетно производство и развој и унапредување на земјоделството. За нас, зборот важи!