fbpx

Пари за поголеми плати и пензии, нови редизајнирани мерки со ребалансот на Буџетот

Facebook
Twitter
LinkedIn

Прес-конференција на Марија Георгиевска, пратеничка на СДСМ

Почитувани,

Во Комисијата за финансирање и буџет во Собранието започнува расправата по предлог ребалансот на Буџетот за 2022 година.

Станува збор за важен документ кој има за цел да обезбеди продолжување на досегашните мерки и политики за справување со последиците од светската економска криза.

Преку одговорен пристап преку овој Ребаланс се остварува заштеда на сериозни средства кои ќе се искористат за директна помош за граѓаните и стопанството.

На овој начин се обезбедуваат 76 милиони евра за поддршка на граѓаните и стопанството, како и дополнителни 52 милиони евра за поддршка на земјоделците, за раст на платите и пензиите.

Тоа значи дека во буџетот се обезбедени средства за нови таргетирани мерки за помош, за усогласување на платите на буџетските корисници со растот на минималната плата, како и за зголемување на пензиите од септември, согласно новата усвоена методологија.

Со ребалансот предвидени се финансиски средства за капитални инвестиции во делот на патната и железничка инфраструктура, гасификација но и инвестиции во обновливи извори на енергија што е особено важно во време на светска економска и енергетска криза.

И во време на криза Владата и парламентарното мнозинство преку одговорни мерки и политики успева економијата да ја задржи на стабилни основи и таа да остане ликвидна.

Оттука, ги повикуваме сите пратеници од сите пратенички групи да дадат придонес преку конструктивна дебата и предлози да се вклучат во носењето на овој ребаланс затоа што тоа е битно и за граѓаните и за нашата економија.

Како парламентарно мнозинство досега сме докажале дека имаме слух за барањата од опозицијата, преку прифаќање на оние амандмани кои биле издржани и биле во насока на унапредување на стандардот на граѓаните.

Очекуваме опозицијата да ги стави интересите на граѓаните на прво место и дека наместо со блокади и кочења, ќе придонесе со аргументирана дебата и конструктивност при носењето на ребалансот.