Изјава за медиуми, Љупчо Недески, советник во Советот на општина Аеродром

Почитувани граѓани, почитувани медиуми,

Тимчо Муцунски, во обид да ја сокрие својата неспособност и безидејност, вчера се пофали со новоизградениот објект на градинката „Црвенкапа“ во Стар Аеродром, кој почна да се гради во мандат на претходниот градоначалник Златко Марин.

За потсетување, на увидот на градежните активности минатата година, покрај градоначалникот Марин, присуствуваа и тогашниот премиер Зоран Заев и министерката за труд и социјална политика, Јагода Шахпаска.

За да биде иронијата уште поголема, тогашните советници на ВМРО-ДПМНЕ не го гласаа тој буџет во кој беше предвидена изградбата на градинката.

Златко Марин и тогашното мнозинство во Советот покажаа вистинска грижа за најмладите. Во нивни мандат беше изградена градинката „Буба Мара“ во Ново Лисиче, комплетно се реновираа сите објекти на градинките „Срничка“ и „Буба Мара“, за првпат беше обновена главната кујна во градинката „Буба Мара“ во населбата Лисиче, а беа поставени нов под и енергетска фасада во објектот „Чекорче“, Притоа, сите објекти добија прочистувачи на воздух, со што се обезбедија сите услови за безбеден раст и развој на најмладите.

Сето ова најверојатно го заборавил Тимчо Муцунски, па се фали со туѓи перја. Неодамна истото го направи и со реновираниот плоштад зад ТЦ „Бисер“, кој исто така почна да се гради за време на Златко Марин.

Со тоа Муцунски само потврдува дека СДСМ посветено работеше на вистинските приоритети на граѓаните, за разлика од неговата посветеност на фалење со туѓи проекти и лажни ветувања за 4 градинки кои никогаш нема да ги изгради.