fbpx

Три години членство во НАТО со заштитен македонски идентитет

Facebook
Twitter
LinkedIn

Прес-конференција, Мартин Костовски, пратеник на СДСМ

Почитувани граѓани, почитувани новинари,

Денеска одбележуваме три години од зачленувањето во НАТО, најголемиот и најмоќниот безбедносен сојуз во светот.

Во 2020 Собранието го усвои Северноатлантскиот протокол со што беше остварен последниот чекор кон зачленувањето во НАТО.

Со тоа, парламентарното мнозинство, Владата и институциите предводени од СДСМ ја остварија една од двете стратешки цели на државата.

Членството во НАТО донесе безбедност и сигурност на државата но и просперитет и нови можности за развој.

Со станувањето на 30та земја членка на НАТО и нашата економија стана поконкурентна и поатрактивна за нови големи странски инвестиции, а доказ за тоа е и рекордниот износ во 2022 од 735,8 милиони евра директни странски инвестиции.

Колку е важно што сме членка на НАТО се покажува и во овој период на руска агресија во Украина.

Иако беснее војна на тлото на Европа, ние сме заштитени, со неповредливост на територијалниот интегритет.

За жал и при реализација на оваа стратешка цел гледавме неодговорно и несериозно однесување од страна на ВМРО-ДПМНЕ.

Сите паметиме како Христијан Мицкоски овде во Собранието не смогна сили не аплаудираше при ратификација на членството во НАТО.

Денес истиот тој Мицкоски и истото тоа ВМРО-ДПМНЕ се противат на интеграцијата на државата во ЕУ.

Додека СДСМ со коалициските партнери носи државнички одлуки и ги реализира стратешките цели, ВМРО-ДПМНЕ не учествуваше во ниту еден државнички процес, нема донесено ниту една одлука за иднината на граѓаните.

Почитувани,

Три години членство во НАТО за нас е дополнителен мотив да продолжиме со реализација на потребните реформи важни за државата и процесот на пристапување кон ЕУ.

По реализација на првата, следува остварување и на втората стратешка цел а тоа е полноправно членство во ЕУ.

Последни вести