Прес-конференција, Васко Кичевски, претседател на градска организација на СДСМ -Скопје

Почитувани граѓани, почитувани новинари,

Повеќе од една и пол година ВМРО-ДПМНЕ ја има власта во Скопје и тоа е една и пол година на пропаѓање на градот на секое поле.

Хаосот со јавниот превоз се уште трае а Данела Арсовска и ВМРО-ДПМНЕ не прават ништо за да го решат тој проблем.

Автобуските линии и натаму не се редовни, има постојана гужва во автобусите на ЈСП кои и често се расипуваат.

Граѓаните плаќаат пенали кон ЕБОР за проектот Бас рапид транзит, а Арсовска не само што не го реализира туку не го реализира ниту ветувањето за нови 250 еколошки автобуси.

Не се реализираат наследените проекти како реконструкцијата на Универзална сала и мостот на АСНОМ, а со невидено споро темпо се реализира изградбата на клучката кај Момин поток и пробивањето на Есенинова.

Јавните градски претпријатија едвај функционираат затоа што Арсовска постојано ги менува директорите, градот е нечист, запустен, без перспектива.

Исто е и во скопските општини предводени од ВМРО-ДПМНЕ.

Нема реализација на ветените проекти, но затоа има бетонизација на зелени површини, партизација на администрацијата, задолжувања и лоши услуги за граѓаните.

Тоа се последиците од првата половина од мандатот на градоначалниците на ВМРО-ДПМНЕ, поддржани од советници од Левица.

Граѓаните со право се разочарани и не заслужуваат ваков дрзок игнорантски однос од градската и локална власт на ВМРО-ДПМНЕ.