Соопштение за јавност

Јавноста очекува одговори од кои причини Никола Груевски полетал на одмор во Турција со бенефиции на премиер?

Дали е точно дека Никола Груевски дошол до авионот со приватен автомобил по пистата за полетување, надвор од секоја процедура за безбедност на аеродромот?

Дали и кој дозволил Никола Груевски и неговите телохранители, да заминат за Турција без царинска проверка иако неговите обезбедувачи биле вооружени?

Што изнеле Никола Груевски и неговото обезбедување од Македонија без да бидат проверени?

Што сакал да сокрие Никола Груевски на излез од Македонија?

Кој го плаќа транспорот и одморот на неговите 5 телохранители во Турција?

Од ВМРО-ДПМНЕ треба да им објаснат на граѓаните и за овие луксузирања на Никола Груевски кој очигледно не може да се помири со фактот дека не е премиер.

Скопје, 04.08.2016

ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА