Соопштение за јавност

Никола Груевски единствено интензивно го уништуваше стандардот, животот и спокојот на граѓаните на Р. Македонија.

Залудно сега, после 10 години, Никола Груевски лажно ветува кров над глава или парче леб за ранливите категории граѓани во земјава.

Граѓаните не му веруваат на Груевски. На сите им е јасно како оди распределбата на социјалните станови и какви злоупотреби се прават со нив.

На бодовните листи највисоко котирани се активисти на ВМРО-ДПМНЕ коишто имаат живеалишта, а најдолу се оние коишто се без дом и коишто живеат во импровизирани живеалишта.

Такови примери има многу а највпечатливи се примерите во Ресен, Демир Хисар и Прилеп.

Груевски наместо да се фали со распределба на станови на партиските активисти, нека објасни зошто го сруши т.н. ромско маало, кај полигонот во Скопје, без да се обезбеди соодведно вдомување на граѓаните?

Зошто се дозволи над 100 дечиња да останат без живеалиште и кров над глава?

Криминалното владеење на Никола Груевски коешто им нанесе огромна штета на граѓаните, особено на ранливите категории граѓани, завршува.

Доаѓаат демократски промени на коишто граѓаните ќе изберат нова, одговорна Влада предводена од СДСМ којашто вистински ќе се грижи за сите граѓани.

Скопје, 03.08.2016

ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА