Соопштение за јавност

Последните објавени анкети покажуваат дека огромни 83,7 отсто од младите во Македонија сакаат да се иселат од земјата.

Невработеноста и економската нестабилност се главните наведени причини.

Дури 63,4 отсто од вкупниот број испитани млади луѓе не се задоволни од вработувањето, здравството, образованието, инфраструктурата, животната средина…

Младинската невработеност во земјава е над 50%, студетскиот стандард е многу низок а студетните преживуваат во ужасно лоши студентски домови.

Поради промашените економски политики на ВМРО-ДПМНЕ, криминалот и корупцијата на Никола Груевски во изминатите 10 години, над 626 илјади граѓани ја напуштиле Македонија, пред се млади, образовани луѓе.

Затоа на Македонија и се неопходни промени на фер избори.

СДСМ во Програмата има многу мерки и проекти за подобрување на животот на младите во Македонија.

По демократските промени, новата одговорна Влада предводена од СДСМ ќе овозможи современо и квалитетно образование на младите и ќе создаде можности за отворање нови работни места за младите со достоинствени плати.

Наместо младите да се иселуваат, ќе останат во родната земја, тука ќе ја градат нивната иднина и иднината на Македонија.

Скопје, 15.07.2016

ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА