Соопштение за јавност

Уште една потврда за стравот на Груевски од соочување со одговорноста за криминалот и изборните измами е вчерашниот предлог на ВМРО-ДПМНЕ и ДУИ за измена на Законот за кривична постапка.

Во паника, за да го одложат постапувањето на независнaта институција, Специјално јавно обивнителство, ВМРО-ДПМНЕ и ДУИ предлагаат наместо како до сега осомничениот да има рок од 15 дена за поднесување на докази, тој рок да се продолжи на 90 дена, што е речиси 3 месеци.

Никола Груевски нема да може да ја спречи правдата колку и да сака да ја попречува.

Со објавувањето на стотиците илјади спорни и фантомски гласачи во Избирачкиот список се потврди изборниот криминал на Никола Груевски.

Срамната одлука на Уставниот суд е признанието за изборниот грабеж.

Јавноста веќе е запознаена за партиската поврзаност на Елена Гошева, Јован Јосифовски и Никола Ивановски со ВМРО-ДПМНЕ.

За братот на судијата Ивановски е поднесена кривична пријава пред три години, а се уште не се знае ништо за неа.

Ќерката на претседателката на Уставниот суд, Елена Гошева, Слободанка е директорка за регулатива и големопродажба во Телеком, каде што главен извршен директор е кумашинот на Сашо Мијалков, Жарко Луковски.

Слободанка Гиевска односно Гошева била потпретседателка на подмладокот на ВМРО-ДПМНЕ, УМС.

Сопругот на Слободанка е Игор Гиевски, поранешен претседател на УМС на ВМРО- ДПМНЕ, сега член на Управниот одбор на ЕВН, именуван од владата.

Нејзиниот татко, односно сопругот на Елена Гошевска, Ѓорѓи Гошев, бил поранешен директор на Студентскиот центар, назначен од ВМРО-ДПМНЕ.

Другата ќерка на Елена Гошева, Бојана Гошева, работи во Агенција за електронски комуникации.

Јован Јосифовски и неговото семејство се исто така тесно поврзани со ВМРО-ДПМНЕ.

Од 2006-та до 2011 година Јосифовски бил претседател а и член на Државната изборна комисија предложен од ВМРО-ДПМНЕ. Како член на ДИК, Јосифовски учествувал во избори што се предмет на кривично-правна истрага за изборни нерегуларности.

За Уставен судија, Јосифовски е предложен од Илија Димовски, односно од ВМРО-ДПМНЕ и во отсуство на пратениците од опозицијата е избран во 2012 година.

Дополнително, синот на судијата Јован Јосифовски, Борис, е генерален секретар во Кабинетот на Ѓорѓе Иванов, од ВМРО-ДПМНЕ.

Се е јасно. Но, срамна одлука на Уставниот суд не може и нема да го заштити Никола Груевски и неговите соработници од одговорноста за изборниот криминал. Секој што го прекршил законот мора да одговара.

Ништо нема да го спаси спасат Никола Груевски од одговорност.

Скопје, 29.03.2016

ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА