Соопштение за јавност

Претседавачот на Централниот одбор на СДСМ Диме Велковски заедно со Цветанка Ласкова, кординаторка на Форумот на жени на СДСМ, денеска беа помеѓу граѓаните на Росоман, Манастирец и Сирково.

Жителите на Росоман се пожалија на неконтролираниот ископ на песок што се случува во нивната општина, со што се уништуваат речното корито на Црна Река како и земјоделските земјишта долж реката.

-Некој се богати додека земјоделците трпат штети, се уништува земјиштето, велат тие.

Се поголемите трошоци, а се пониската откупна цена на земјоделските производи се дополнителен проблем со којшто се соочуваат.

-Никола Груевски и ВМРО-ДПМНЕ го уништија земјоделството во Македонија. По промените СДСМ ќе се грижи за секој земјоделец. Ќе ги зголемиме субвенциите на 160 милиони евра и тие ќе завршуваат кај вистинските земјоделци, а ќе се доделуваат навремено, тогаш кога се најпотребни. Ќе обезбедиме подобра иднина за секој граѓанин, рече Велковски.

Велковски ја повтори позицијата на СДСМ дека без прочистен список и регулација на медиумите нема слободни, фер и демократски избори.