Соопштение за јавност

Оддаваме почит на осумте храбри припадници на македонската полиција кои ги положија своите животи како и за повредените во кумановско Диво Насеље, во 2015 година.

СДСМ и тогаш, како и денес, јасно и недвосмислено го осуди терористичкиот напад и ја даде целосната поддршка на полицијата и безбедносните сили.

Ние секогаш бевме и остануваме на страната на државата, единството и безбедноста на сите граѓани.

Кога го славиме и Денот на Европа и Денот на победата над фашизмот, јасно е дека борбата против тероризмот, омразата и поделбите продолжува.

Да се сеќаваме вечно на жртвите за да не се повтори.

Екстремизмот никогаш не донел ништо добро.

Затоа сме против поделбите во општеството, затоа националистичката реторика не и треба на Македонија.

Затоа СДСМ се залагаше и ја направи Македонија горда членка на НАТО.

Затоа работевме да станеме членка на најголемиот и најсилниот воен сојуз во најкраток можен рок.

Во овие турбулентни времиња на војни и кризи, токму Алијансата НАТО ја гарантира нашата безбедност и мир.

Следниот чекор, покрај воената безбедност, е членството во Европската Унија.

ЕУ ни дава перспектива за просперитет, подобар животен стандард, економски развој и трајна стабилност.

Затоа Европската Унија е единствената опција. Немаме алтернатива.

Сите заедно, Македонскиот народ и сите други народи и национални малцинства – под знамето на Македонија, во европското семејство.

Само така ја градиме иднината на мир, безбедност, правда и просперитет.