Соопштение за јавност
„Курир“, „Република“, и “Радио слободна Македонија” повеќе од еден месец молчат за милионските приходи ама затоа секојдневно објавуваат нарачани текстови во одбрана на криминалот на фамилијата.
“Курир”, “Република” и “Радио слободна Македонија” се три медиуми, коишто за три години, оствариле приходи од 3 милиони евра!
Три милиони евра врти фабриката за лаги на Никола Груевски! Тоа се околу 10.000 просечни плати од околу 300 евра.
Груевски не сака слободни медиуми. Медиумскиот мрак фамилијата би сакала да го користи за спас на сопствената кожа. Затоа владее молк за милионите на сметките на медиумските курири.
Помина повеќе од еден месец откако СДСМ објави за приходите од 1.3 милиони евра на „Курир“, за приходите од 1.1 милион евра на „Република“, приходите од 617.000 илјади евра на “Радио слободна Македонија.”
Фирмата ЕМ МЕДИА ДОО Скопје е директно поврзана со овие медиуми и со братучедот на Груевски, Сашо Мијалков, преку фирмата НВСП чиј сопственик е Владислав Стајковиќ.
Оваа фирма покрај сопственик на “Курир” и “Радиото Слободна Македонија” сопственик е и на “К Три телевизија ДООЕЛ Куманово”.
НВСП на Стајковиќ е основач на агенцијата за обезбедување СГС, зад којашто лично стои братучедот на Никола Груевски, Сашо Мијалков.
Во Вистината за Македонија се покажа поврзаноста на фирмата на Стајковиќ, НСВП, со провизијата од 540 илјади евра што Мијалков ја бара за набавување опрема за прислушување од Израел.
Молк и во “Република” за милионските приходи.
Според официјалните документи на Централен регистар за период од три години провладиниот неделник „Република“, во сопственост на фирмата ПРВА РЕПУБЛИКА ДООЕЛ, остварила приходи во висина од 1,1 милиони евра.
Од каде им се милионските приходи на медиумите коишто ги уредува Никола Груевски?
Затоа овие медиуми на братучедите Груевски и Мијалков 10 години ги трујат граѓаните со нарачани информации и ги штитат криминалите и провизиите на Груевски и Мијалков.
Скопје, 17.01.2016
ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА
