Соопштение за јавност

 

Со кое лице директорот на ЈП Македонски Шуми Жарко Караџоски излегува во јавност и говори за огревното дрво за наредната 2016-та година?

Покрај сите скандали на ЈП Македонски Шуми, Жарко Караџоски најмалку што треба да стори е да си поднесе оставка.

Доцна е Караџоски да им објаснува на граѓаните колку се грижи за нив.

Вистината е поинаква. Вистината е дека многу семејства останаа без огревно дрво оваа зима.

Во пресрет на зимата, граѓаните од поголем број градови во Македонија сеуште не можат да дојдат до дрва за огрев и покрај навремената упата, па беа оставени да се снаоѓаат како знаат и умеат.

Граѓаните беа приморани да плаќаат и до 4.000 денари за еден метар кубен огревно дрво од приватни добавувачи што е далеку повисока цена од цената на чинење во Јавното претпријатие, затоа што ЈП Македонски Шуми не им даваше дрва за огрев.

Директорот на ЈП Македонски Шуми, Жарко Караџоски треба да одговори зошто дозволи бесправната сеча на територијата на цела Македонија?

Зошто на граѓаните не им се доставуваат веќе платените дрва?

Дали Јавното претпријатие Македонски шуми штити бизнис интерси на приватни компании блиски до власта кои профитираат од недостатокот на дрво?

Затоа ли Груевски дозволи извоз на дрва во Грција? За бизнис интересите на фамилијата?

На валканите политики на Никола Груевски и на ВМРО-ДПМНЕ граѓаните имаат заедничка идеја: Збогум Никола!

 

Скопје, 25.12.2015
ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА