fbpx

Македонија бара промени, не поминуваат манипулациите со анкетите!

Facebook
Twitter
LinkedIn

Соопштение за јавност

Македонија бара промени!

Во страв од промени и соочување со одговорноста за целокупниот криминал во изминатите 10 години, Никола Груевски панично се обидува да манипулира со јавното мислење на граѓаните.

Речиси сите податоци во анкетата што денеска беше објавена од агенцијата „Фактор плус Адриа“ покажуваат дека граѓаните се крајно незадоволни и загрижени.

Економската состојба во земјава 80% од граѓаните ја оценуваат како многу лоша. Граѓаните сметаат дека нема независно судство, дека медиумите се контролирани од власта и дека во изминатите три години власта ја води земјата во погрешен правец.

Ако се земе во предвид оргомното незадоволство на граѓаните не може рејтингот на главниот виновник за катастрофалната состојба во земјава, ВМРО-ДПМНЕ, да биде висок.

Граѓаните знаат какво е нивното мислење, а тоа е збогум на лошата економска, социјална, образовна и лошата здравствена политика, збогум на иселувањето на младите и осиромашувањето на граѓаните.

Граѓаните бараат промени и промените ќе се случат. Тоа е незапирлив процес.

Преку изборни грабежи, купување гласови, закани, уцени, заплашувања, во изминатите изборни циклуси Никола Груевски ја узурпираше власта.

СДСМ заедно со граѓаните создава услови за одржување на фер, слободни и демократски избори што ќе ја гарантираат слободно изразената волја на граѓаните. Изборните грабежи и изборниот криминал, никогаш повеќе да не се повтори во Република Македонија.

Нормализацијата на институциите и враќање на контролата кај граѓаните ќе гарантира почитување на законот и уставот. Секој којшто ќе се обиде со закани, уцени, притисоци или на било кој друг начин да влијае на загарантираното право на граѓаните за гласање по слободна волја на изборите, ќе сноси одговорност и последици согласно законот.

Промените доаѓаат.

Граѓаните знаат: збогум Никола и збогум за твоето корумпирано друштво!

Скопје, 24.12.2015
ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА