Соопштение за јавност

Граѓаните на Македонија буквално се гушат од загаден воздух со огромни концентрации на канцерогени ПМ 10 честички, а Никола Груевски ВМРО-ДПМНЕ и натаму само немо ја следат состојбата.

Недозволиво е да се игнорира вака значајна тема поврзан со здравјето на граѓаните.

Во Скопје повторно загаденоста на воздухот со ПМ10 честичките изнесува фрапантни 11 пати над дозволеното. Во Тетово 8 пати, додека во Кичево и Битола високата концетрација на штетните и канцерогени честитки изнесува речиси 5 пати над дозволената граница.

Амбулантите се преполни со болни деца и возрасни граѓани поради проблеми со дишните патишта.

Во Македонија има дури 1.350 смртни случаи поради загаден воздух а Никола Груевски цели 10 години не превзема ништо.

До Никола Груевски не допира гласот на граѓаните. За Никола Груевски овие податоци се само обична бројка, затоа што тој мисли само на своето богатење и бизнисите на фамилијата.

За намалување на загаденоста овие мерки треба веднаш да се спроведат:

– Да се воведе субвенција за јавниот градски превоз која ќе важи за сите во зимските месеци.

– Наместо тајно и преку ноќ да се атакува на последните дрвја што се обидуваат да ни дадат малку кислород, градот Скопје итно да забрани сеча на постојните дрва и да започне со санирање на сите уништени зелени површини.

– Да се воведат грантови за инсталирани соларни панели, грантови за изолација на објекти и инсталација на енергетски ефикасни апарати.

– Да се зголемат средствата на Министерството за животна средина и просторно планирање во делот на заштита на животната средина.

Само со сериозен и одговорен пристап може да се променат работите во интерс на граѓаните.

На граѓаните им треба чист воздух, а не валканите политики на Никола Груевски.

Збогум Никола!

Скопје, 21.12.2015

ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА