Соопштение за јавност

Го разбираме стравот на Никола Груевски од соочувањето со вистината за нелегалното прислушување на над 20 илјади граѓани, од страна на братучедите, како и стравот од вистината за неговото корумпирано владеење во изминатите 10 години.

Никола Груевски мора да свати дека прописите во оваа држава важат подеднакво за сите граѓани во Република Македонија.

Колку и да се замислува во некакви квази услови што се дел од неговиот виртуелен свет, Никола Груевски не е повеќе од било кој граѓанин на оваа земја.

Правен документ како што е Деловникот за работа на Анкетната комисија за незаконското прислушување важи и за Никола Груевски.

Во Анкетната комисија за незаконското прислушување Никола Груевски нема да може да ги нарачува прашањата, особено не кај членовите коишто не се од ВМРО-ДПМНЕ и тука неговиот виртуелен свет нема да му помогне.

Одговорност за незаконското прислушување мора да има и ќе има.

Збогум Никола!

Скопје, 07.12.2015               
ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА