fbpx

Лекарите-специјализанти потврдија: Тодоров создава само проблеми

Share on facebook
Facebook
Share on twitter
Twitter
Share on linkedin
LinkedIn

Соопштение за јавност

Лажните, виртуелни најави на неспособниот Никола Тодоров за подобрување и решавање на статусот на лекарите специјализантипаднаа во вода.

Самите лекари специјализанти, со петицијата којашто ја испратија до Никола Тодоров, ја потврдуваат катастрофалната состојба во којашто се наоѓаат.

Во петицијата лекарите бараат веднаш да се стопира донесувањето на новите предлог законски измени и наместо со преодни и парцијални решенија да се пристапи кон трајно решавање на статусот на сите специјализанти.

„Во денешно време срамота е за една современа земја која тежнее да стане ЕУ членка вака да ги третира своите лекари специјализанти, на најдолното општествено скалило“ велат лекарите, специјализанти во петицијата до Тодоров.

Ова е уште доказ дека миленичето на Груевски, Тодоров, создава само проблеми, проблеми на пациентите, проблеми на лекарите. Или кажано со зборовите на Зоран Ставрески – најмногу стратешки грешки направи Тодоров.

Она што не е добро е фактот што Тодоров не понесе одговорност за ниту еден скандал во здравството, па дури и јавно призна дека не чуствува никаква морална одговорност.

За време на Никола Тодоров се случуваат и најнезамисливите работи во здравствениот систем.

Сред бел ден се пука во лекари, умираат родилки и новороденчиња, болниците не личат на места кадешто се лекуваат луѓе туку на места од некој хорор филм.

Дури 200 лекари годишно ја напуштаат земјава.

По 24-ти април и победата на СДСМ доаѓаат промените во земјава и промените во здравството што сите ги очекуваат.

Затоа граѓаните имаат идеја: збогум Никола и збогум за твоето друштво!

 

Скопје, 07.12.2015

ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА