Соопштение за јавност

Петрушевски денеска, Манасиевски вчера, објавија дека СДСМ и Филипче шират лаги за Гостивар.

Вака изгледа кога ВМРО-ОКГ ја користи својата стандардна пропаганда.

Нивниот главен за манипулација Драган Павловиќ Латас, познатиот “Началник”- човекот што уште како млад новинар бил врбуван од српските служби, а денес ги обучува портпаролите на ВМРО – повторно е на дело.

Истиот што ги тренира и Бране и Манасие како да ја вртат вистината.

Но повеќе никој не верува ниту на една реченица што излегува од медиумско-пропагандната машина на Белата палата.

Толку многу лажеа, што на крај се излажаа и самите себе.

Ако СДСМ навистина шири паника, направете една едноставна работа: одете во Гостивар.

Застанете пред граѓаните и кажете им дека водата е здрава и безбедна.

Одете во Скопје.

Застанете кај Лепенец и Вардар и кажете им на луѓето дека реките не се бели од синтетичко труење.

Петрушевски и Манасиевски нека одат во Гостивар и нека им кажат на граѓаните дека водата е чиста. Нека ги поведат и Мицкоски и Клековски.

Дотогаш, секоја нивна изјава за „лаги“ и „дезинформации“ останува само уште еден обид да се избегне одговорноста.

Граѓаните повеќе не пијат вода од чешма.

А вие сè уште пиете од сопствената пропаганда.