Соопштение за јавност

Виртуелните проекти на Никола Груевски за виртуелни вработувања во реалноста значат масовно иселување на граѓаните од Македонија, пред се на младите, и нивно вработување ама во странство.

Според последните податоци на Светска банка 626.312 граѓани се иселиле од Македонија, најголем број млади, образовани луѓе.

Секој втор млад човек сака да замине од Македонија. Невработеноста и нискиот стандард, се главните причини.

Последната студија на Фондацијата Фридрих Еберт покажува дека 50% од младите сакаат да ја напуштат земјава а дури 71% се незадоволни од економската и финансиската ситуација.

Над 180.000 граѓани во Македонија живеат со по 40 денари на ден.

Над 500.000 граѓани во Македонија живеат на работ на сиромаштијата.

Секоја трета фирма во Македонија е со блокирана сметка а затоврени се над 10.000 фирми.

Македонија е на дното по странски инвестиции во Европа. Според податоците на Народна банка само 8,5 милиони евра странски инвестиции влегле во Македонија во третиот квартал од оваа година.

Фондот за ПИОМ е празен. Милионската дупка на Фондот за пензинско и инвалидско осигурување којашто расте покажува дека придонесите за плати не се плаќаат.

Впрочем, Никола Груевски и официјално призна целосен пораз на сите економски политики во изминатите години. Без постојано задолжување на граѓаните не може да се исплатат ниту плати ниту пензии.

Затоа граѓаните не му веруваат на Никола Груевски и неговите виртуелни вработувања и виртуелни инвестиции коишто не постојат.

Граѓаните имаат идеја: збогум Никола!

Скопје, 06.12.2015

ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА