Соопштение за јавност

Никола Груевски во деновите пред неговото заминување ги употребува последните фантазии за инвестиции, зони, вработувања од неговиот виртуелен свет.

Виртуелните инвестиции, зони не се само празни ливади, туку на нив има и ѓубре.

За тоа сведочат еве овие фотографии во прилог, направени пред два дена, на местото на виртуелната индустриска зона Мауцкер, најавена во февруари лани.

На 09 февруари 2014 се испоснимаа владнини и локални функционери на ВМРО-ДПМНЕ. Најавуваа исто толку убедливо, како што деновиве мафта со договори Груевски, дека на земјиштето на военото стрелиште што го предаваат на општина Охрид, ќе никне индустриска зона. Зоната ќе привлече странски и домашни инвеститори и ќе отвори нови работни места.

Местото на виртуелните странски и домашни инвеститори и работни места, зоната Мауцкер, денес, година ипол подоцна, е депонија.

Индустриската зоната Мауцкер е уште една лага на Груевски.

Граѓаните знаат дека Груевски излажа и за други инвестиции: италијанската Орланди, турски Шишеџам, Хајер и Тривју, индиската Мадерсон, француската Монтипе, израелската Газит Глоуб, Еуро Италија, Искра Словенија, Биротекник Отомотив, Грудхост од Данска…

Никола Груевски изминатите 10 години ги лажеше и осиромашуваше граѓаните, додека работеше да цветаат тендерите и бизнисите со коишто се богатеше неговата фамилија.

На 24 април завршуваат лагите и валканите политики на Груевски и се отвора пат за вистински инвестиции, вистински нови работни места, за економски стабилни граѓани и напредна држава.

Граѓаните имаат идеја: Збогум Никола!