Соопштение за јавност

Институциите на Владата во координација со правосудните органи, во изминатите 40 часа спроведоа ефикасна акција координирана лично од претседателот Зоран Заев каде се обезбеди присуство на обвинетиот Сашо Мијалков.

Преземајќи ги сите редовни и вонредни механизми и мерки, од страна на институциите на системот, на Мијалков не му беше дадена никаква друга можност освен да се предаде и од притвор да ја чека пресудата за процесот што се води против него.

Државата, институциите покажаа капацитет и бескомпромисност во обезбедување на правда за сите, денеска се покажа дека никој не е и не смее да биде над законите.

И покрај ваквиот позитивен епилог, институциите, мора што поскоро да ги истражат пропустите поради кои се случи обидот за бегство и за тоа секако да следи одговорност.

Компромиси со правдата нема да има, правдата и владеењето на правото ќе ги има се повеќе.

Христијан Мицкоски, единствениот на браникот на криминалот, сосе сите негови лаги и измислици, уште еднаш е поразен.

Ред, правда и дисциплина на сите нивоа се главните приоритети од коишто Владата предводена од СДСМ продолжува да се води.