Соопштение за јавност

Откако денеска кандидатот за градоначалник на Град Скопје Петре Шилегов ги разобличи лагите на опозициската партија, најмалку што можат да направат од белиот дворец е да се извинат за сите лаги што во континуитет ги пласираа овие денови.

Повторно, по кој знае кој пат пропаднаа обидите на ВМРО-ДПМНЕ преку лаги и невистини да го сокрие фактот што нема никаква понуда за изборите.

Очигледно е дека како и досега ВМРО-ДПМНЕ предводена од Мицкоски нема конкретна програма, нема идеја, нема проекти за граѓаните на Скопје, па кампањата како и претходно ќе ја темели на конструкции, лажни вести и измислици.

Токму заради таквиот однос, Мицкоски и ВМРО-ДПМНЕ шест пати беа поразувани од граѓаните, а ќе бидат поразени и на овие локални избори.

На овие избори граѓаните одново ќе ги поразат лажните вести и деструкциите на ВМРО-ДПМНЕ и ќе потврдат дека Петре Шилегов и СДСМ се најдоброто за Град Скопје.