Соопштение за јавност

ВМРО-ДПМНЕ во ова време на здравствена криза во земјава и во светот, нема што друго да понуди, освен  бесрамно политикантство и ширење лажни и неосновани вести.

Сега Наум Стоилковски ги повторува лажните обвиненија, кои ги вергла раководството на ВМРО-ДПМНЕ, прикривајќи ја својата неспособност.

Токму тендерот за ЈП Дрисла, за кој што обвинуваат е склучен од страна на кадарот на опозицијата, а јавноста знае дека ВМРО-ДПМНЕ се обиде криминално да ја приватизира Дрисла и да испумпува пари од депонијата.

Граѓаните знаат дека во време кога Владата предводена од СДСМ со сите сили се бори да го зачува јавното здравје и да го ублажи ударот на пандемиојата врз економијата, ВМРО-ДПМНЕ нуди само тешки лаги и неодговорно однесување.