Соопштение за јавност

Градоначалничката на Град Скопје, Данела Арсовска потроши три месеци од мандатот без да реализира ниту еден проект а сопре и неколку готови проекти.

Нивелирање на неколку шахти и поставување на мобилни тоалети ниту се проекти ниту носат развој на градот.

Арсовска ништо не направи за најзначајниот проект за еколошки и брз градски транспорт за кој веќе има обезбедено 70 милиони евра од Европската банка за обнова и развој.

Стои и изградбата на мостот во Карпош на Љубљанска за кој исто така се обезбедени средства.

Арсовска не ја продолжи ниту реконструкцијата на Универзална сала која е започната и за која Владата има обезбедено пари.

Не е завршен ниту капиталниот проект – мост на реката Вардар во Аеродром.

Неработењето на Арсовска ја прави најнеуспешна градоначалничка на Скопје.

Граѓаните се презаситени од оправдувања и изземање од одговорност, тие очекуваат реализација на крупни, капитални проекти.