fbpx

И во време на светска економска криза, инвестираме во капитални инфраструктурни проекти

Facebook
Twitter
LinkedIn

Соопштение за јавност

Пратеничката од СДСМ, Лолита Ристова денеска во расправата за ребалансот на Буџетот за 2022 година во собраниската Комисија за буџет и финансирање истакна дека и во време на светска економска криза, се инвестира во унапредување на инфраструктурата.

„Во делот на инфраструктурата во изминатиот период реализирани се, а во наредниот период ќе следува и реализација на бројни капитални проекти. Во тек на изградба се автопатите Кичево – Охрид во должина од 57 километри и автопатот Скопје – Блаце во прва фаза во должина од два километри, ѓто значи дека се работат 59 километри автопати. Изградба на експресни патишта во 2022 година: Градско – Дреново 15 километри, Дреново – Фариш 10 километри, Крупиште – Кочани 13,7 километри, Длабочица – Чатал 15,5, Длабочица – Крива паланка 9 километри или вкупно изградба на 63 километри експресни патишта.“ порача Ристова додавајќи дека се реконструираат и регионални и магистрални патишта во должина од 91,3 километри и дека тоа граѓаните го гледаат низ целата држава.

Таа истакна дека се инвестира и во канализациски и водоводни системи, како и во изградба на социјални станови, односно дека во овие четири години изградени или во фаза на изградба се 853 социјални станови во десетина општини и дека и тоа се важни капитални инвестиции.

Осврнувајќи се на Законот за заем од Светска банка за изградба на локални патишта, Ристова изрази уверување дека тој ќе биде донесен, но посочи и дека пратениците од ВМРО-ДПМНЕ цела година го блокираше Законот а сега откако поголем дел од општините се раководени од градоначалници на ВМРО-ДПМНЕ пратениците од опозицијата го поддржуваат ова законско решение, што зборува за лицемерието на оваа партија.