Соопштение за јавност

Детските градинки станаа наш приоритет, за само две и пол години имаме 43 нови градинки и тие се во функција, истакна потпретседателката на СДСМ Мила Царовска на граѓанската трибина под мотото „На прав пат“ во Пробиштип.

Царовска посочи дека е отворена детска градинка и во Пробиштип со капацитет од 40 деца, но дека нема да се застане тука туку дека ќе се градат градинки во секоја општина каде што има потреба.

Освен нови градинки не ги заборавивме ниту вработените во детската заштита. Се соочивме со недостиг на кадар, недостигаа 2.000 негувателки и воспитувачки. За само две години освен што сериозно ги покачивме платите во градинките, реализиравме над 1.300 вработувања и со тоа го подобривме квалитетот во детската заштита, посочи потпретседателката Царовска.