Соопштение за јавност
Пратеничката на СДСМ Даниела Николова од собраниската говорница порача дека ВМРО-ДПМНЕ е криминална партија, а пратениците од опозицијата со денови напразно говорат, не за да помогнат, туку како да ги избегнат казните за криминалот и корупцијата, што ги правеа и се уште ги прават.
-Има над 400 обвиненија за функционери од ВРМО-ДПМНЕ, а некои од нив седат и во оваа сала. Над 150 пресуди за нив, повеќе од 40 признанија дека учествувале во криминални дела, изречени 150 години затвор. Да ве потсетам на пресудата за Талир, да ве потсетам дека и сега правите криминал, ваши блиски луѓе се познати по „делчевските ниви“, истакна Николова.
Пратеничката на СДСМ Даниела Николова потсети дека ВМРО-ДПМНЕ има тројца азиланти, избегани поради криминал, од коишто едниот е лидерот на партијата, Никола Груевски од кој никогаш не се оградија.
Кога зборувате за правда сетете се кој брачен пар владееше со судството, сетете се на „Сваровски судството“, на тефтерчето на Горде, сетете се на намерно застарување на предметите, кое што го правеше Воислав Димовски, рече пратеничката на СДСМ Даниела Николова од собраниската говорница.
