Соопштение за јавност

Со денешните измислици и лажни вести, ВМРО-ДПМНЕ всушност го опиша нејзиниот однос кон државна админстрација и злоупотребата на институциите за време на 11 годишното криминално и расипничко владеење.

Тоа време кога партиските војници на ВМРО-ДПМНЕ не одеа на работа а добиваа плата и кога Македонија беше најкритикувана во однос на притисоци врз администрацијата е завршено.

Со процесот на професионализација на администрацијата, инстиутуциите работат одговорно, отчетно и во интерес на граѓаните. Не треба и не смеат да се толерираат оние кои не ги извршуваат задачите, а секој кој не ги почитува законите треба да биде соодветно санкциониран.

ВМРО-ДПМНЕ треба да престане со неоснованите обвинувања и ширењето лажни вести во надеж дека ќе успее да собере ситни политички поени, да се фокусира на клучната одлука пред којашто е исправена Македонија и да даде поддршка на влезот во ЕУ и НАТО, цели за кои ВМРО-ДПМНЕ тврди дека се нивен врвен интерес.

Скопје, 29.08.2018

ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА