Соопштение за јавност

ВМРО-ДПМНЕ треба да престане да го инволвира СДСМ во сопствените внатрепартиски поделби.

Однесувањето на опозициската партија е несериозно и неодговорно.

Нема прес конференција на ВМРО-ДПМНЕ на која не се соопштени измислици, лажни обвинувања, конструкции и невистина.

Притоа, самата ВМРО-ДПМНЕ се повикува на „непотврдени“ и неофицијални информации.

Тоа е нечесен пристап и непочитување на граѓаните.

Не е точно она што го тврди ВМРО-ДПМНЕ. Ниту имало некакви средби како што измислива ВМРО-ДПМНЕ ниту пак СДСМ има било каква поврзаност со случајот.

СДСМ е сериозна и одговорна партија. Го осудуваме нападот на централниот штаб на ВМРО-ДПМНЕ и секаков друг вид на насилства коишто ја загрозуваат безбедоста.

Очекуваме институциите, согласно нивните законски надлежности, да го расчистат овој случај, по што ќе паднат во вода сите денешни лажни тврдења на ВМРО-ДПМНЕ.

Наместо ВМРО-ДПМНЕ да вмешува други политички субјекти во своите внатрепартиски процеси, треба да ги реши внатрешните проблеми.

Време е ВМРО-ДПМНЕ да покаже одговороност кон граѓаните и државата и да се одлучи ЗА македонската иднина.

Скопје, 24.06.2018

ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА