Соопштение за јавност

Организираното прекршување на изборниот процес, попречувања на правата на граѓаните, сеење страв и омраза и злоупотреба на институциите за партиски цели беше главна одлика на владеењето на ВМРО-ДПМНЕ и Никола Груевски и тоа време заврши.

Ослободените и професионализирани институции работат исклучиво во заштита на законите и во интерес на граѓаните. Доказ за тоа е и итното постапување на неодамнешниот инцидент во Шуто Оризари како и постапувањата по сите други прекршувања на законите.

Институциите нема да дозволат да биде загрозено правото на граѓаните да гласаат слободно на фер и демократски избори.

ВМРО-ДПМНЕ треба да престане со создавање атмосфера на несигурност и да ги остави надлежните институции професионално и независно да ја вршат својата работа. Уверени сме дека надлежните институции ќе продолжат со своето неселективно и професионало дејствување во заштита на законите и интересите на граѓаните.

Скопје, 04.10.2017

ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА