Соопштение за јавност

ВМРО-ДПМНЕ, партијата што го направи најголемото и најштетното задолжување на граѓаните и државата, не престанува да создава лажни вести и да ја манипулира јавноста.

За разлика од расипничкиот и криминален однос на ВМРО-ДПМНЕ, кога парите на граѓаните се трошеа на стиропор, луксуз, палми и лажен барок, Владата предводедна од СДСМ, буџетските средства ги користи за враќање на стари долгови, за повисока минимална плата, за поголеми пензии, за трајно решавање на статусот на стечајните работници и за поголема финансискa помош за претпријатијата што ќе донесе нови работни места.

Залудни и очајнички се обидите на ВМРО-ДПМНЕ преку лажни вести да ги засенат успесите на Владата. Граѓаните ја препознаваат разликата помеѓу лагите, криминалот и расипништвото на ВМРО-ДПМНЕ наспроти домаќинското и одговорно управување со финансиите од страна на Владата предводена од СДСМ.

Скопје, 19.08.2017

ЦЕНТАР ЗА КОМУНИКАЦИИ СО ЈАВНОСТА
СОЦИЈАЛДЕМОКРАТСКИ СОЈУЗ НА МАКЕДОНИЈА