Соопштение за јавност – реакција на изјавата на Миле Левков од ВМРО-ДПМНЕ

СДСМ: Лефков, засрами се – на душа ќе ги носите луѓето од Онкологија!

Миле Лефков и ВМРО-ДПМНЕ лажат, манипулираат и спинуваат, дури и во моменти кога луѓе умираат без терапија, а животите на пациентите се загрозени поради нивната неспособност.

Наместо да ги наведнат главите, да се фатат за работа и да свикаат итен кризен штаб за да ја решат состојбата, тие измислуваат лаги и го обвинуваат Филипче за своите неуспеси.

Со донации ќе купуваат лекови, тоа е решението на ВМРО-ДПМНЕ.
Ова само потврдува дека станува збор за луѓе без грам одговорност и човечност, без трошка лидерство и грижа за граѓаните. Единствено што ги интересира е како да си ја спасат сопствената кожа и рејтингот, а не како да помогнат на пациентите и да го решат проблемот.

Лефков, ти и твоите наредбодавачи, заедно со министерот за здравство кој десет дена се шета во Америка, нема да ги излажете ниту луѓето, ниту пациентите.

Вие ќе ги носите на душа сите кои сега страдаат и го ризикуваат здравјето и сте 100% одговорни за оваа состојба – никој друг!

Имајте малку човечност и малку одговорност барем во овие моменти и на овие теми. Зафатете се со проблемите и сфатете дека сте на власт! Не е опозицијата виновна за состојбите кои вие ги создавате.

Веќе помина цела година во оправдувања и обвинувања, но факт е дека сте елементарно неспособни да управувате со државата и институциите.